DEUNGON BISMILLAH SURAH LÔN RAMPOE
NIBAK WATЀE NYOE BACUT LÔN PEUGAH
HABA CORONA NYANG KA BAK TANYOE
VIRUS BAHYA NYOE MANTONG MEUWABAH
BEUNA WASPADA ULЀH GEUTANYOE
BЀK PIKE ADOE ATRA NYOE KAGLAH
BЀK PIKÉ TANLÉ KA REULÉ PADOE
COVID 19 NYOE MANTONG NA WABAH
JAGA KELUARGA JAGA DROE KEUDROE
BEUNA TAPAKOE CARA MENCEGAH
DALAM NEW NORMAL KE ADAAN NANGGROE
HUDÉP GEUTANYOE DALAM TEU ARAH
PATÉH ANJURAN KESEHATAN TAPAKOE
TAJAK NGON TAWOE WASPADA WABAH
HANA TA TEUPEUE KEULILÉNG TANYOË
PEUNYAKÉT PALOE BAK GOP DI SINGGAH
H’ANA TA TEUPEUE LINGKEUE BAK TANYOE
MENULAR KEUDROE KARNA TOE LEUPAH
MEUNAN CIT KAYÉM BAK BEURSÉN SIGOE
KA KEUNÖNG TANYOE KADANG ROT NAFAH
NYAN KEUH JEUT UREUENG NYAN H’ANA MEUSOE
PEUE LOM BAN DIWOE LUA DAERAH
BEUNA WASPADA SIGRA LÉ TANYOE
JAGA JARAK ADOE LAJU BEUBAGAH
TA PAKЀK MASKER BEUNA LÉ TANYOE
KAYÉM RAH JAROE HO HO TALANGKAH
IKÔT ATÔRAN DALAM NEW NORMAL NYOE
IKUTI PROTOKOL BUET JALAN BEUPAH
BEUNA TAPIKÉ WAHÉ RAKAN DROE
SUAI VIRUS NYOE TANYOE GOH LOM GLAH
BEUNA TAINGAT MEUHAT RAKAN DROE
NYANG KA GEUHIMBOE NEUPATÉH BAGAH
DI SAMPÉNG USEUHA TAPATÉH HIMBOE
TAPATÉH TANYOE PEUE DOKTO PEUGAH
DAN TA MEUDÔ’A LÉ TANYOE
MALAM NGON UROE LAKЀE BAK ALLAH
JI’ÔH PEUNYAKÉT PHÉT LAGЀ NYOE
DI NANGGROE TANYOE GADOH BEUBAGAH
NYAN TA MEULAKЀE TEUNTЀE LAM JEUT SYOE
‘OH LHEUH GEUTANYOE TA PUJOE ALLAH
ANEUK CÉMPALA ATEUEH BAK KEUREUTOE
ANEUK BEURAGOE ATEUEH BAK PANAH
KASÉP KEUH HABA RIKA SAAT NYOE
MEU’AH ULÔN NYOE KADANG NA SALAH