‘OH WATÈE KATRÔH BAK URÖE RAYA
ANEUK BAK POMA ADOE WOE BAK A
KUMUEN NGON APA WALI NGON KARÔNG
ANEUK BAK POMA ADÖE WÖE BAK A
KUMUEN NGÖN APA WALI NGON KARÔNG
WATÈE MEURUMPOK NGÖN MANUSIA
TUHAN BRI RAHMAT NIEKMAT MEUGANDA
UREUENG NYANG MULA FAHLA AWAI PHÔN
SUNAT BAK KUBU KUNJÔNG LÉ GATA
SEUREUTA TABACA KALAM ILAHÔN
TABACA YASIN DEUNGÖN ISTIGFAR
KEU AYAH NGÖN MA HADIAH LANGSÔNG
KEU BANDUM UREUENG LAM KUBU DUMNA
MEUTEUMÈE FAHLA NIBAK ILAHÔN
RAHMAT KA TEUKA NIBAK ILAHÔN
SIBEURANG KASÖE JISEUMAH BUNDA
BAK TEU’ÔT SIGRA LAJU LÉ DICÔM
DÔSA DUM LURÔH NIBAK ANGGOTA
SÖE NA KEURIJA WAHÉ RAKAN LÔN
LE KEU LEUBÈHAN BAK URÖE RAYA
TANYÖE KEURIJA WAHÉ RAKAN LÔN
SEMBAHANG BERJAMAAH BANDUM SYÉDARA
TEUKEUBI LOM TEUMA TANYÖE MEUHIMPÔN
NANG BÈK TAPUBUET BUET HANA RIDHA
BEUNA TAINGAT SAHBAT DUM RATA
BAK UROE RAYA FAHLA GEUPETRÔN
ÈTNÖE KA HABÉH DILÈE SEUKADA
DO’A TALAKÈE BAK TUHAN NYANG ESA
KEU MANDUM HAMBA, BAK URÖE RAYA, DÔSA NEU AMPÔN
KEU MANDUM HAMBA, BAK URÖE RAYA, DÔSA NEU AMPÔN