E…E.. LEUPIE HAN THAT LÉ LAMGLÉ SEULAWAH
UTEUEN KA DICAH KAYЀE DI REULÉK
BACUT TEUK CAÉ.. E E LÔN RAWÉ KISAH
HABA LÔN PEUGAH MEUTRÔN NGÖN MEUÉK
SUAI ÔN KAYЀE..E E…TEUNTЀE LÔN PEUGAHAH
MEUMACAM ULAH TABILEUENG HA’ÉK
JEUT KEU PEUNAWA MEUGUNA LEUPAH.. E.. E
LAM DÔNYA LUAH.. E E ALLAH PO MILÉK
BANDUM ÔN KAYЀE..E E PEUREULЀE SILEUPAH
KEUHAMBA ALLAH ABANG NGÖN ADÉK
TEUTAPI KADANG SAYANG SILEUPAH
BЀE MANGAT LEUPAH DI PAJÔH H’AN ÉK
BAN ÔN TEUMURUI LÔN SAMBUI KISAH
RAMЀ NYANG PEUGAH BЀE THAT MEUNARÉK
PEUE LOM TAGUEN SIE UTIE LAMKUWAH.. Ô.. Ô..
MANGAT MEULEUMPAH PAJÔH SABÉ ÉK
GUNA DI ÔN NYAN RAKAN MEUTUAHSAMBUI KISAH
DALAM SEUJARAH H’ANA MEUBALÉK
JAREUENG NYANG PAJÔH GEUBÔH LAM KUWAH
KEUMANGAT BABAH..E E..TASEUMAJÔH ÉK
BÔH ÔN TEUMURUI SANGSUI LAM KUWAH
WANGI MEUTAMAH MANGAT LAGOË ÉK
MEUNYÖ RÔH TEUKAP MEU’AP LAM BABAH
GEUCOK NGÖN BAGAH E E…GEUTIEK LAM PARÉK
INAN KEUH BÉ ÔK SANG BRÔK PEUNEUGAH
NASIP ÔN NYAN SAH SAYANG THAT PICÉK
NYÖ SUAI PAKЀK H’AN KHЀK LAM KUWAH E… E..
NABACUT SALAH GEUPAJÔH H’AN ÉK
JEUT KEU IBARAT RAKYAT BAROLLAH
BЀK SALAH SURAH NYOË KON POLITÉK
KADANG MEUJAN-JAN MEUNAN BAN ULAH
KEUMANGAT KUWAH TAGUEN SIE ITÉK
ANEUK TIYÔNG DICÔNG BAK PANAH
ANEUK TIWAH DICÔNG BAK PEUTÉK
TANYOË MEUJAN-JAN..E ..E.. PIH MEUNAN ULAH
PEULEUMAK KUWAH KHANDURI BANG YÉK
DI PAKЀK KADANG SOË CANG BOH PANAH
MEUJAN DI PEUGAH BAK U DI YUE ÉK
MEUJAN TAGUEN BU PATЀ BU KULAH
MEUJAN DI YUE PLAH KAYЀE YUE REULÉK
MEUJAN YUE KUEH MÖN E…E... NGÖN PEUGLÉH KULAH
NALEUENG YUP PANAH MEUJAN DI YUE SÉK
MEUNYÖ TA ANGGÔK DIJÔK PINAYAH
MATA TEUH MIRAH KARÔH TAKHEUN ÉK
‘OH LHEUEH DI PAKЀK KAHЀK SIGO GRAH
KALEUMAK KUWAH TANYOE DI TABÉK
DIJIH KA WANGI LOM PIH KALEUPAH
TANYOË DI KEUBAH ULЀE MEU ASÉK
BOH U LHEUEH TAPOT ROT-ROT KA TACAH
JALAN KALUWAH E…E… MOTO MANGAT ÉK
NYAN ÔN TEUMURUI LAM APUI MIRAH
NYANG TAGUEN KUWAH PAJÔH NGÖN ADÉK
TANYOË BAK SOT JAK RHOT PEUE MUDAH
NYÖ HAWA KUWAH TAGUEN BOH PEUTÉK
NYÖ HAWA KEU SIE KHANDURI MEUNASAH
NYÖ KEU EUENG BABAH E… E.. TA ASÉK-ASÉK
MEUNAN IBARAT NYANG KA LÔN PEUGAH
BEUNA NGÖN SALAH LÔN BEU ÔT TABÉK
NEU PUPHÔM RAKAN KIBAN NEU SURAH